Back Uzun ev Azerbaijani Casa comunal Catalan Dlouhý dům Czech Langhus Danish Langhaus (Wohngebäude) German Longhouse English Longdomo Esperanto Casa comunal Spanish Pitkätalo Finnish Maison longue French
Umah Panjang inggih punika rumah adat Kalimantan Barat sané wangunnyané marupa umah panggung. Umah adat tawah puniki maderbé panjang kantos 180 (satus ulung dasa) meter, linggahné kantos 30 (tigang dasa) méter, saha tegehné 5-8 (lima kantos kutus) méter saking tanah, punika taler tiang sané kanggén nyangga dahat tegeh saha ageng. [1] Umah Panjang puniki kocap pertama kawangun olih Komunitas Tamambaloh Apalin duk warsa sawetara 1.800 (siu domas). Umah panjang maderbé makudang kawigunan, inggihan punika pinaka genah nyeneng kramané, pinaka genah nglaksanayang saluir parikrama parajanané irika, pinaka genah ngamargiang sahananing upacara agama, asapunika taler pinaka tetujon wisata. Tiosan ring punika, wénten taler kawigunan lianan sané kawastanin kawigunan adat, minakadi kanggén parum adat miwah ngéka saluir pangrencana yéning wénten payudan (paperangan) olih kramané.
Umah panjang kawangun tegeh saha linggah kadi asapunika, mangda sida ngdohin kramané saking mala baya buron sané tawah saha galak, saha ngelidin banjir. Tiosan ring punika taler kanggén nylametang kramané saking meseh sané wit saking suku tiosan.
- ↑ Nancy, Yonada. "Keunikan Rumah Adat Panjang Kalimantan Barat & Fungsinya". tirto.id (ring Indonesia). Kaaksés 2023-03-10.